Ek weet baie duidelik dat mens nie van profeet na profeet hardloop en dan blindelings volg wat hulle sê nie. Dit kan baie gevaarlik wees. Ons profetiese Woord is meestal bevestigend van wat ons reeds self by Ons Vader gehoor het.

Dit is wel wonderlik om bevestiging te kry van wat jy self by ons Vader hoor. Veral van iemand wat niks van jou weet nie.

Die Woord sê ook: ”In die mond van twee of drie staan ‘n saak vas.”

Mat 18:16  maar as hy nie luister nie, neem nog een of twee met jou saam, sodat in die mond van twee of drie getuies elke woord kan vasstaan. (AOV)

2 Kor 13:1  Dit is die derde keer dat ek na julle toe kom. In die mond van twee of drie getuies sal elke woord vasstaan. (AOV)

As ons deur die Woord lees sien ons dat ons Vader ook Woord gespreek het oor baie mense se lewens. 1991.

Ek sien ook dat die Here vir jou ’n plan vorentoe het in berading want jy is ‘n goeie luisteraar. Ek voel in daardie area wil die Here jou ook gebruik. Ek sien mense in jou huis inkom, vroutjies en selfs tieners en hulle kom maak net hulle hart oop en die Here gee vir jou wysheid hoe om met hulle te deel.

Ek sien dat die Here jou gaan intrek in ‘n tyd van baie nou verhouding met die Here waar jy tye van soet gemeenskap met die Here gaan hê waar die Here vir jou die wonderlikste goed gaan oopmaak.

Ek sien dat die Here vir jou ‘n skryf talent gegee het. Jy gaan ‘n boek skryf. Dit gaan fantasties wees, dit gaan absoluut die mense oplig, dit gaan vir hulle iets anders wees want dit gaan absoluut die openbaring wees wat die Here vir jou gee.

Ek sien jou deponeer in mense se lewens regtigwaar baie baie deponeer – dit gaan vir jou so gering en so klein lyk maar vir God is dit nie klein nie, dit is werklik wat die Here wil doen deur jou en vir die mense wat dit hoor gaan dit wees soos absolute openbaring.

Dit gaan goed wees asof hulle gesê het maar hoor hier ek het nog nooit in my lewe dit so gesien nie – dit gaan regtigwaar openbaringskennis wees.